مشروعي الجديد :) واحواله العجيبة

Alsalam
this is my first post ( like it matters to you!!) but I wanted to share with you my new project

I love antiques and old items that puts me in those old romantic ages where everything was rich and natural.


بدت السالفة لما كنا نبني بيتنا وبعدين صرنا ندور على أثاث حلو و مناسب لذوقنا. طبعا الكلام حلو بس الدوارة بالحر وماكو مواقف للسيارات وبالأخير نشوف أ شياء عادية وجدا غالية كانت مزعجة. ففكرت ادور على أشياء برة الكويت.

وعلى رأي رفيجتي رولا .. ما إلكم بالطويلة.. سافرت لعدة مدن في شمال الهند ويبت أشياء وايد حلوة(اكيد حلوة موانا قاعدة أكتب) وشفت طبعا أماكن عجيـــبة ومناظر حلــــوة جدا ومغامرات بس هذي يبيلها وقفة أخـرى انشاءالله
وبعدين سويت معرضي بالبيت وما توقعت ناس وايد راح تعرفه بالبداية بس اجتهدت أسوي بروشورات و اعلانات بالجرايد بس ماكان الاقبال على المعرض وايد زين مع اني مجابلته ...... تبون الصج انزعجت وايد و بدى حماسي يخف.... المضحك اني لما تركت المعرض وما قمت اقعد فيه يوميا بدت الناس تزوره!! هممم شالسالفة الظاهر هذي سنة الحياة اذا ركضت على شي مايصير واذا تركته قام يركض وراك